Nagpagguwa eon it Temporary Restraining Order (TRO) kontra sa Commission on Elections (COMELEC) ag sa tagapaghambae nga si James Jimenez angot sa ginapatuman nga “Oplan Baklas”.
Suno sa Supreme Court (SC), raya hay resulta it ginpatigayun nga En Banc deliberations it mga mahistrado it Korte kainang agahon.
Raya hay may kaangtanan sa gindihon nga petisyon sa SC nga nagakuwestiyon sa Oplan Baklas it COMELEC sa gina-alegar nga mga iligal nga tarpaulin it mga kandidato para sa 2022 elections.
Ginhirit man it mga petitioner sa SC nga manduan ro COMELEC nga ibalik sa mga tag-ana ro mga ginkumpiskang campaign materials.
Pebrero 17, kat umpisahan it COMELEC ro andang nationwide campaign nga Oplan Baklas kontra sa mga oversized posters ag mga campaign paraphernalia nga owa sa gintaeana nga common poster areas.
