Nagaabot eon sa 10,000 nga mga batang kasoldadohan ro igapadaea it North Korea sa Russia sa tunga it padayon nga kinagamo nanda it Ukraine.
Suno sa Pentagon, ro pagpadaea it soldado it North Korea sa giyera it Ukraine ag Russia hay pwedeng maging senyales it mabahoe nga tensyon sa nagkaeain-eain nga kaalyadong mga nasyon.
Ginakabaeak-an man it estados unidos nga pwedeng magbuhay it uman it tatlong dag-on ro giyera sa tunga it Ukraine ag Russia bangud sa pag-intra it mga soldado it North Korea.
Ginpahayag mat-a it presidential office it South Korea nga 3,000 nga tropa it soldado it North Korea ro andang nakit-an paadto sa battlefronts sa western Russia.
Ro pagdaea it soldado it North Korea sa Russia hay may nagakaigong bayad nga nagaabot sa $2,000 ukon P116,000 kada sangka soldado kada buean.
