-- ADVERTISEMENT --
KALIBO, Aklan—Nagapangatubang sa kasong pag-eabag sa Presidential Decree 1865 ro sangka truck driver matapos nga maharang sa checkpoint it pulisya ro karga kara nga 63 container it gasolina sa Barangay Poblacion, Ibajay, Aklan.
Base sa report, ginkilaea ro driver nga imaw man mismo ro tag-iya it produktong petrolyo nga si Morito Lacuesta Clataro, 48, ag residente it Barangay Centro Norte, Culasi, Antique.
Halin sigon ro gasolina sa banwa it Makato kon siin, pauli eon kunta sanda kat maharang sa checkpoint it pulisya sa nasambitang lugar.
Bangud kara, temporaryong ginkustudiya sa Ibajay Police Station si Clataro para sa nagakaigong disposisyon.
