Owa naitago ni US President Donald Trump ro anang pagkadismaya sa United Kingdom.
Raya hay bangud sa owa nanda pagtau it bulig sa ginlunsar nga giyera kontra sa Iran.
Partikular nga gintumod it US President ro personal nga pagkikipagpueong kara kay British Prime Minister Keir Starmer kun sa siin nagpamalibad imaw nga magpadaea it mga kagamitang militar sa Middle East.
Ginpabugae man kara nga ro UK hay hugut nga kaalyado it US kun sa siin maabung gingastos ro Amerika sa North Atlantic Treaty Organizaiton (NATO).
Gin-aku man ni Trump nga owa imaw nakasayod kon buhi pa ukon patay eon ro supreme leader it Iran nga si Mojtaba Khamenei bangud nga owa pa raya nagapakita it personal umpisa nga mailihir sa puwesto.
Nauna eon nga ginpahayag ni Trump nga kapin sa 90 percent eon nga nasamad it US ag Israel ro mga target sa Iran bangud sa padayun nga pag-atake.
Nagapati man si Trump nga indi pagagamiton it Israel ro andang nuclear weapons sa pagsukoe sa Iran.
