-- ADVERTISEMENT --
Gin-engganyo it mga ambassadors nit Britain, France ag Germany ro United Nations nga imbestigahan ro Iran bangud sa pagsuplay kara it mga drones sa Russia.
Sa sueat nga ginpadaea kay UN Secretary General Antonio Guterres, nakabaehag nga dapat maimbestigahan ro nasambit nga nasyon bangud mabahoe raya nga pag-eabag sa UN Security Council.
Ginlaygayan man kara ro UN nga bisitahon ro Ukraine para mapamatud-an ro nasambit nga isyu.
Matueopangdan nga maabu nga mga nasyon ag international organizations eon ro nagkondina sa sabwatan it Iran ag Russia bangud sa drones nga targets ro mga sibilyan ag edipisyo.
Samtang, nauna eon man nga ginpamalibaran it daywang ka mga nasyon ro nasambit nga alegasyon.
-- ADVERTISEMENT --
