-- ADVERTISEMENT --
Mainit nga ginbaton ni US President Joe Biden sa White House si president-elect Donald Trump.
Raya ro unang kahigayunan nga nakatungtong it uman sa White House si Trump masobra ap-at nga dag-on halin kat matapos ro anang termino.
Sa nasambit nga pueong hay ginpasiguro kana ni Biden nga magiging matawhay ro andang pagahimuon nga transition.
Ginpahayag mat-a ni Trump nga naging grabe ro pulitika ag bukon raya it manami nga kalibutan rason nga ginadayaw nana makaron ro ginhimo nga pueong nanda ni Biden.
Kaibahan man pueong sanday White House Chief of Staff Jeff Zients ag incoming White House Chief of Staff Susie Wiles.
-- ADVERTISEMENT --
