Nagapati si dating US President ag Republican candidate Donald Trump nga dapat nga mag eunsad it strike ro Israel sa nuclear facilities it Iran bilang baeos sa sunud-sunod nga pagbuhi it missile it Iran sa Israel.
Raya ro naging sabat ni Trump kat mapangutana samtang sa anang campaign event sa North Carolina kaangot sa posibleng pag-target it Israel sa nuclear program it Iran.
Binanatan man ni Trump ro naging kasabtanan ni US President Joe Biden kat mapangutana sa mismong topiko ko Miyerkules.
Nagpahayag sigon it pagbaeabag si Biden sa posibleng strikes kuntra sa nuclear sites it Iran.
Ginhambae man ni Trump nga dapat nga unahon nga tamaan ro nuclear weapons nga ginasugid nana bilang pinakamabahoe nga paeag.
Samtang ginpahayag man ni Trump nga gusto nana nga mag angkon ro Amerika it iron dome nga may una sa Israel kasunod it missile barrage nga ginbuhian it Iran sa Israel.
Ginpabugae ni Trump kung paano naging epektibo ro mismong air defense system sa pagharang sa 287 na mabahoe nga ballistic missiles nga gin eunsad kuntra sa Israel.
Ginhambae man ni Trump nga himuon ro mismong iron dome sa Amerika ag ibutang raya sa mga lugar kung siin partikular nga ginasugid ni Trump ro North Carolina.
