Nagpakalhit eon it mga National Guard si US President Donald Trump para punggan ro mga nagahimo it hub-eag protesta sa Los Angeles.
Halin pa ko adlaw it Biyernes hay nagtipon-tipon eon ro mga protesters sa immigration holding center sa Alameda.
Ginaprotesta nanda ro maeapnagong pag-aresto ni Trump sa mga iligal immigrants.
Nagaabot sa libo-libong katawo eon ro naaresto it mga federal immigration.
Samtang, kapin sa 2,000 nga mga myembro it National Guard ro gintaeana para makontrol ro mga protesters.
Napilitang gumamit ro mga otoridad it tear gas ag flash bangs para mapunggan ro mga protesters.
Ginkondina mat-a it United Latin American Citizens ro paggamit ni Trump sa National Guard bangud sa raya hay mas kapin pang magapalala sa sitwasyon.
Madumduman nga ginhugtan ni Trump ro pag-aresto sa mga iligal migrants kon sa siin pilang libo eon ro anang ginpadeport.
