Ginmanduan ni U.S. President Donald Trump, ro United States Navy nga paeukpan ro mga makitang Iranian boats nga nagabutang it mga mines sa Strait of Hormuz.
Sa sangka post sa social media, ginpahayag ni Trump nga ginmandu nana ro shoot and kill sa anuman nga mga baroto nga nagatanum it mina sa mga katubian nga sakop it Strait of Hormuz nga owa it anuman nga pagduha-duha.
Suno kay Trump, ro Estados Unidos hay padayun nga nagatrabaho agud nga boe-on ro mga mina sa strait kadungan ro pagbida sa mga “mine sweepers” it Amerika nga nagapatigayon it operasyon, apang ginmandu nana nga ipasaka ro lebel it mga operasyon sa tatlong beses.
Bilang sabat sa padayun nga tensyon sa rehiyon, nga may kaangtanan sa mga isyu it global economic pressures, gin-uman ni Trump ag ni Defense Secretary Pete Hegseth ro andang mga pahayag nga naguba eon ro mga nagapangunang pwersa it Iran nga ginaboeobanta nga may 150 nga barko.
Sa pihak kara, gin-report nga ro Islamic Revolutionary Guard Corps (IRGC) hay may nabilin pa nga mga assets kapareho it maisot nga baroto nga padayun nga ginagamit sa mga operasyon.
