KALIBO, Aklan – Dakop ro sangka trysikol driver sa ginhiwat nga drug buybust operation sa tingob pwersa it Kalibo Municipal Station ag Provincial Drug Enforcement Unit – Aklan, kabei.
Ginkilaea ro suspek nga si Christopher “Tope” Parcel 48-anyos, ag residente it Purok 13 C. Laserna St., Kalibo.
Nabueo kana ro 5 sachets nga ginapatihan nga shabu ag P1,000 nga buybust money, dugang pa ro tatlong cellphones ag sangka bag.
Suno kay PLtCol. Ricky Bontogon hepe it Kalibo MPS nga padayon ro andang ginahimo nga monitoring sa suspek bangud sa pagsungaw ku anang pangaean.
Masayuran nga imaw ra hay sangka drug surrenderee kun dag-ong 2016.
Ginabueo nana ro supply sa mga nauna man nga mga indibidwal nga nakokonekta it kapulisan sa drogga.
Suno man kay Bontogon nga bangud sa mga ginahimo nga operasyon it mga kapulisan sa banwa mahimo nga maghalin sa ibang lugar ro mga indibidwal nga sangkot sa droga apang dapat eamang sigon nga padayon ro kampanya it mga municipal police station kontra kara.
