KALIBO, Aklan–Gindagsa it maabu nga mga pumueoyo ro mga food stalls kasunod it pormal nga pag-umpisa it ‘Tsibugan sa Kapitolyo’ sa Goding Ramos Park sa banwa it Kalibo.
Raya hay kaparte it selebrasyon it Aklan Day nga nag-umpisa ko Abril 22 ag magabuhay it hasta Abril 29.
Suno kay Jomel Moryo, sambilog sa tag-ana it food stalls nga kabaeanan nga nagabuhos ro numero it andang costumer pag-abot it alas-7 hasta alas-10 it gabi-i.
Bukon eamang sigon it mga lokal ro naga-dine in kundi may pila man nga mga dumueo-o.
Mag-euwas sa nagkaeain-eain nga pagkaon, nagaserbi man sanda it makahieilong nga ilimnon, tubi ag softdrinks.
Naga-umpisa sigon ro andang pagbukas it pwesto pasado alas-5:00 it hapon.
Nasayuran nga ro aktibidad hay ginpartisiparan it nagakaeain-eain nga mga kaean-an sa probinsya it Aklan.
Madumduman nga napaiway it daywang dag-on ro dag-unan nga aktibidad matapos ro pagpanaeasa it COVID-19 pandemic.
