Uwa it pakealam ro China kun ano ro plano ag pagaubrahon sa mga missiles halin sa America, raya ro pahayag ni Deputy National Security Adviser Asec. Jonathan Malaya, sa sangka press conference sa Philippine Coast Guard West Philippine Sea Transparency Group Office ku Byernes, Pebrero 14.
Indi sigon pwedeng diktahan it China ro Pilipinas sa desisyon angot sa pagtinir sa nasyon it US Typhoon Missile System sa nasyon.
Ginpamilit man it opisyal nga kada magpatigayon it military exercises ro China hay eabi eon ro pagpaeupad it mga missiles kara hay uwa man naga-pakealam ro Pilipinas. Uwa man sigon ro China it karapatan nga magpamaeabag sa mga gusto ubrahon it nasyon eabi eon sa pagpabaskog it kapasidad sa pagbantay ag pagdepensa sa mga hurisdiksyon.
Dugang pa ni Asec. Malaya, nga igadeploy ro mga typhoon missiles bilang defense capabilities ag pagagamiton eamang raya kung kinahangean.
