KALIBO, Aklan—Ro Tuberculosis (TB) hay sangka sakit nga tuga it impeksiyon it bakterya (mikrobyo).
Ro TB hay puweding makasamad it baga ukon sa ibang parte it kaeawasan it sangka tawo ag maging rason it grabe nga masakit.
Suno kay Dr. Juliet Macahilas, sangka Internest-Pulmonologist nga ro TB hay nagakalhit pamaagi sa hangin kung ro tawong may TB sa mga baga hay mag-ubo, magbahaon ukon maghambae kung sa siin nagakalhit ro mikrobyo sa hangin.
Kung masinghut it ibang tawo ro mga mikrobyong, puwedi sandang matapnan.
Kaabuan sa mga tawo hay nakabo-oe it mikrobyo it TB sa permi man karang nakakaibahan kapareho it miyembro it pamilya ukon barkada.
Ro TB man hay indi makatapon sa mga gamit sa baeay kapareho it baso, mga eambong ukon telepono rason nga indi run kinahangean pa nga maggamit it magkaseparar nga mga gamit sa baeay.
Agud nga mapuggan ro pagkalhit it sakit nga TB dapat hay perming magtakop it ilong ag bibig kung magbahaon.
Ro mga tawong may makataeapon nga TB sa andang baga hay dapat man nga mataw-an it bueong nga makabueong sa sakit.
