Legal ag nagakaigo sa laye ro pagpangolekta it mga tueog o uwa ginagamita nga pundo halin sa mga korporasyon it gobyerno para ibutang sa Bureau of Treasury.
Raya ro ginlinaw sa ‘The Malacañang Insider’ ni Department of Finance Director Eumivil Nina Asuncion bilang sabat sa naga kalhit nga fake news sa social media nga ilegal ro pagpangolekta it sleeping funds partikular sa pondo it Philippine Health Insurance Corporation (PhilHealth).
Suno kay Asuncion, nakabaehag sa probisyon it General Appropriations Act of 2024 nga mahimo nga ibalik sa National Treasury ro mga uwa nagamit nga pondo it government-owned and controlled corporations (GOCC) para magamit sa ibang programa ag project it mga ahensiya it gobyerno.
Nagbuoe man sigon it DOF ro legal nga opinyon it sari-saring ahensiya it gobyerno, pati eon ro Commission on Audit ag nakita nga uwa nag harang o pag-eabag raya sa laye.
Matandaan nga maabo ro naga baeabag matapos ihalin sa National Treasury ro nagakatueog nga pondo it PhilHealth nga P30 bilyon.
