Sangka tumaeagsahon nga lobster nga kulay orange ro naeowas nga maeaha sa Red Lobster restaurant sa Florida ag makaangkon makaron it bag-ong permanente nga baeay sa sueod it sangka aquarium.
Ginpahayag it Ripley’s Aquarium sa Myrtle Beach sa Florida nga gintawagan sanda it manager it Red Lobster sa Hollywood matapos nga madiskubrehan it andang mga trabahador ro nasambit nga orange lobster sa pag-deliver kara sa andang restaurant.
Ginapatihan nga orange nga kulay it lobster hay naghalin sa mutation nga nagakatabu sa sambilog sa kada 30 million nga lobsters.
Ro tumaeagsahon nga crustacean hay ginpangaeanan kay Cheddar bilang pagkilaea sa Red Lobster’s cheddar bay biscuits.
Ginaeauman nga sa masunod nga mga inadlaw hay iga-display sa Myrtle Beach aquarium ro nasambit nga orange nga lobster .
