KALIBO, Aklan—Natigayon eon nga nalimpyuhan ro karsadahon nga sakop it Barangay Tambak paagto sa Sitio Naga Barangay Poblacion, New Washington.
Suno kay punong barangay Lucille Macario it Tambak, New Washington nga nagbueuligan ro mga residente, LGU, contractor nga nagapanag-iya it loader ag iba pang ahensiya it gobyerno agud nga malimpyuhan ro lugar ag indi makatuga it kahalitan sa mga motorista ro madanlog nga karsada.
Nasyauran nga pilang motorsiklo ro sumemplang bangud sa tumagas nga langis halin sa loader sa nasambit nga lugar.
Owa man sigon it grabeng naninahan sa insidente.
Ginpahayag ni kapitan Macario nga posibleng owa eagi napan-uhan it driver ro nagtagas nga hydraulic oil.
Halin sa tambak hasta sa barangay poblacion hay nagkalhit ro nagtagas nga langis.
