KALIBO, Aklan—Positibo ro mga stakeholders nga maga-umpia eon nga makabawi ro turismo sa isla it Boracay sa ulihing parte it 2021.
Suno kay Malay Tourism Officer Felix delos Santos, nagaeaum sanda nga antes matapos ro 2021 hay magabalik ro kapagsik it turismo sa isla nga ginpaki it Coronavirus Disease 2019 (COVID-19) pandemic.
Sa oras suno kana nga bue-on eon ro travel restrictions sa NCR Plus areas ag uman nga magnaba ro numero it mga kaso sa Iloilo City hay uman nga magabuhos ro mga turista.
Blangko pa sigon sanda kung hin-uno magabalik ro international flights halin sa South Korea, Taiwan ag China sa Kalibo International Airport.
Sa kabilugang 268 accommodation establishments nga may 6-libo nga kwarto nga gintaw-an it Certificate of Authority to Operate it Department of Tourism, haeos 68 eamang ro nagbukas bangud sa kawad-an it bisita sa Boracay.
Dugang pa ni delos Santos libu-libo eon nga mga empleyado ro nawad-an it trabaho bangud sa mga lockdown ag pagpundo it operasyon it mga hotel, resort ag iba pang establisimento komersiyal sa isla.
