KALIBO, Aklan—Patay ro sangka dumueoong nga turista matapos nga ginbuno it bading nga customer sa Sitio Ambolong, Brgy. Manoc-manoc, Boracay bandang alas-12:00 kaina it tungang gabie.
Base sa inisyal nga imbestigasyon it Malay Police Station, ro suspek nakilaea kay Carlito Alegado alyas “Kylie”, 21-anyos, tumandok it Cebu City apang presenteng nagadayon sa sangka apartment sa nasambitang lugar.
Nauna kara, may ginhatod sigon nga bisita sa sangka kilaeang resort ro suspek bandang ala-una it hapon kon siin dikara man kara nakit-an ro nasambitang biktima.
May kaangtanan kara, ana sigon nga ginpangilaea hasta nga ko ulihi hay nagkachat sanda ag naimbitahan sa anang apartment.
Nag-inuman sigon ro mga raya kaibahan ro sambilog pang bading kon siin nag-ayo sigon ro turista nga makipag hieawas sa daywa ka mga bading.
Nagkasugot sigon sanda sa presyo nga 3,000pesos.
Bangud kara, nagpasugot ro daywa kon siin pagkatapos nga nakapautwas it mainit nga baeatyagon ag nadiskubrehan it turista nga mga bading ro mga ag gilayon sigon imaw nga nagpamalibad nga magbayad.
May kaangtanan kara, may nagpatunga nga mainitang diskusyon hasta nga nakabueo it kutsilyo si Alegado ag insigidang ginbuno sa likod ro turista samtang nagadaeagan paguwa sa andang apartment.
Nadaea pa sa sangka klinika sa isla ro biktima apang gindeklarang dead on arrival it attending physician.
Si Alegado hay insigida man nga nadakpan matapos ro insidente.
