KALIBO, AKLAN — Nagreklamo ro sangka Chinese national matapos nga nadaeasa ro anang sling bag nga may sueod nga mga importanteng gamit ag kwarta samtang naga agi sa baggage x-ray scanner sa Caticlan jetty port paagto sa isla it Boracay.
Gin kilaea ro biktimang si Chen Ru Lan, 31, taga-China ag naga bakasyon eamang sa isla.
Dakop sa CCTV camera ro pasimpling pagbo-oe it suspek na si Ritchel Tajaran, 34, residente it Brgy. Calimbajan, Makato, Aklan sa sling bag it turista.
Insigidang inalerto ro mga security officers it Cagban port sa isla agud bantayan ro pagdungka it motorbanca nga sinakyan it suspek dahilan nga naaresto raya ag kaibahan nga nabo-oe kana hay ro bag it biktima.
Gin kulong sa Malay Municipal Police station ro suspek, apang, gin pahilway matapos nga owa eon nagpasaka it nagakaigong kaso ro turista.
