Napabilin ni Tyson Fury ro pagiging World Boxing Council (WBC) heavyweight champion matapos piyerdihon sa sixth round si Dillian Whyte sa atubang it 94,000 fans nga nagtan-aw sa Wembley Stadium sa London.
Ro nasambit nga crowd hay record breaking bilang highest attendance sa sangka boxing match sa Europe ag pinakamaabu sa bilog nga kalibutan.
Uman nga nagpakita it anang masterclass performance si Fury sa ibabaw it ring nga imaw pa gihapon ro best fighter sa heavyweight division makaron nga tyempo.
Halin sa first round hay makit-an nga “outmatched ag outclassed” ni Fury ro anang kababayan nga halin sa UK nga mandatory challenger.
Base sa statistics tumama ro 76 halin sa 243 nga total punches nga ginbuhian ni Fury samtang 29 eamang halin sa 171 ro kay Whyte.
Sa makaron, ro record ni Fury hay mas pang umangat sa 32-0-2, (23KOs) samtang 28-3 (19KOs) man si Whyte.
