U-box it motorsiklo gintakawan sa Kalibo samtang nakapark

KALIBO, Aklan — Gintakawan ro  sangka  motorsiklo samtang naka-park sa kahabaon it L. Barrios Street, Bgy. Poblacion, kalibo, agahon it Lunes, Abril 13.

Suno sa 47-anyos nga  biktima nga gin-aywan nana ro motorsiklo nga nakapark sa kilid it karsada, kun sa siin, anang napan-uhan bandang alas-7:00 it agahon nga medyu pwersahan nga ginbuksan ro u-box it anang motorsiklo.

Kat gin-usisa ro sueod it u-box hay nakita nga owa eon ro anang kapin sa P3,000 nga kwarta kaibahan ro drivers license ag mga importanteng dokumento it anang motorsiklo nga nakasueod sa sangka plastic.

Padayun pa ro imbestigasyon it mga awtoridad angot sa insidente.