Maabung benepisyo ro pag-ehersisyo.
Kon pirmeng naga-exercise, maganami ro kahimtangan it atong tagipusuon, baga, utok, tina-i, toe-an, masel ag bilog nga eawas.
Antes nga mag-umpisa it grabeg pag-ehersisyo, kinahangean anay nga magkonsulta sa sangka doktor para masayuran ro kahimtangan it inyong ikamayad nga eawas.
Sa mga senior citizens ag sa mga may sakit, ipangutana anay sa inyong doktor kun anong klaseng ehersisyo ro magabagay kimo.
Mag-umpisa it dahan-dahan sa pag-ehersisyo.
Halimbawa, magtikang anay it 15 hasta 30 minutos ag amat-amat nga ipasaka ro lebel kara.
Kon ikaw hay ginahapo, magpahuway anay.
Ro tamang pag-ehersisyo hay gina-obra it 3 ukon 5 beses sa sang domingo eamang.
Taw-an man it bastanteng pahuway ro eawas agud nga magmayad ag magbaskog raya.
Sa imong pag-ehersisyo, kon nagbuyog ro ueo, nagsuka, ginhapo ukon nagsakit ro dughan, punduhon eon ro ehersisyo ag magpahuway.
Magpa-check-up sa doktor kun kinahangenon.
