Inaasahang darating sa UK sa mga susunod na linggo ang unang grupo ng 30 hanggang 50 batang Palestinong malubhang may sakit o sugatan mula Gaza upang sumailalim sa gamutan.
Ito ang kauna-unahang pagkakataon na magdadala ang gobyerno ng UK ng mga bata mula Gaza sa ilalim ng isang operasyong pinangungunahan ng Foreign Office, Home Office, at Department of Health.
Pipiliin ang mga bata base sa pangangailangang medikal, at ang World Health Organization ang mangangasiwa sa kanilang biyahe.
Mahigit 96 na MP ang nanawagan kamakailan na agad ipasok ang mga batang ito dahil sa pagbagsak ng sistemang pangkalusugan sa Gaza.
Ayon sa UNICEF, higit 50,000 bata na ang napatay o nasugatan mula nang magsimula ang digmaan noong Oktubre 2023.
Pagdating sa UK, ang mga bata ay gagamutin sa ilalim ng NHS.
Ilan sa kanila ay maaaring manatili sa bansa matapos ang gamutan dahil sa panganib ng pagbabalik sa Gaza.
Samantala, patuloy na nagbabala ang UN ukol sa malawakang malnutrisyon at posibilidad ng matinding taggutom sa Gaza, kung saan higit 60,000 na ang nasawi ayon sa Hamas-run health ministry.
Nagsimula ang opensiba ng Israel matapos ang pag-atake ng Hamas sa timog Israel noong Oktubre 7, 2023.
