Magapatigayon it summit ro Ukraine ag European Union sa Kyiv sa paea-abuton nga Pebrero 3 para talakayon ro financial ag military support.
Sa sangka statement nga ginpaguwa maghalin sa opisina ni Ukrainian President Volodomyr Zelensky, gintalakay it lider ro mga detalye it igapatigayon nga high-level meeting kaibahan si European Commission President Ursula von der Leyen.
Gintalakay man it daywang lider ro suplay it appropriate weapons ag panibag-ong 18 billion euro ukon $19 billion financial assistance program para sa Ukraine kung siin ginaduso ni Zelensky nga matugyan ro unang tranche kara makaron nga buean it Enero.
Ko nakataliwan nga buean, nauna eon nga ginpahayag it EU ro pagtao it aid sa Ukraine nga ginatawag karang megadeal kaibahan ro adoption it minimum 15% nga global corporate tax rate.
Raya hay kasunod it panawagan ni Zelensky sa 27 nation bloc it EU nga indi pagpairalon ro internal disputes sa pagbulig it mga raya sa Kyiv.
