Gina-alegar ni President Volodymyr Zelensky ro Russia nga ginahimu nga ‘blackmail’ ro Zaporizhzhia nuclear plant.
Ginmanduan sigon nana ro mga sundado kara nga ro sin-o man nga sundado it Russia nga magpaeupok ukon magpanago sa nasambit nga pinakamabahoe nga nuclear plant sa Europa hay maging special target para sa mga security services.
Ko nagtaliwan pa sigon nga Marso hay nasakop eon it Russia ro lugar ag gina-alegar ro mga raya nga nagpatindog eon it andang army base.
Naka-hostage sigon ro mga tawohan it planta para padayon ro operasyon kara.
Padayon ro ginapatigayon nga ieislan it paeupok sa lugar kung siin pareho nga nagatueur-an ro daywang partido.
Ro six-nuclear reactor Zaporizhzhia plant hay makit-an sa Enerhodar City maeapit sa kaeawaan it Dnieper sa southern Ukraine.
Nagpaandam man ro United Nations sa daywang partido kung siin magatuga it grabeng danyus kung padayon nga igapadayon ro aeawayan it daywang nasyon.
