Indi eon pagpiliton pa it Ukraine nga maging miyembro it North Atlantic Treaty Organization (NATO).
Gin-anunsyo raya ni Ukrainian President Volodymyr Zelenskyy matapos nga pamalibaran it NATO ro anang hinyu nga ipatuman ro no-fly-zone sa kahawaan it Ukraine.
Suno kana, bangud sa nasambit nga desisyon it NATO hay mas maabu pang dugo ro magakalhit bangud mahina raya ag owa it pagbuylog.
Bangud kara hay naging bukas eon si Zelenskyy nga i-kompromiso ro panindugan it daywang breakaway pro-Russian territories nga ginkilaea ni Russian President Vladimir Putin bilang sangka independent antes pa kara umpisahan ro naging pag-atake sa andang nasyon ko Pebrero 24.
Dugang pa kara nga bukon it haum ro NATO nga batunon ro Ukraine ag nahadlok raya pag-abot sa mga kontrobersyal nga bagay ag maskin sa pag-kompronta sa Russia.
