-- ADVERTISEMENT --
Humampak eon sa tatlong milyon ro numero it mga Ukrainian refugee nga naghalin sa andang nasyon sa sueod it tatlong dominggo nga pakikipag-giyera it Ukraine bangud sa pag-atake it Russia.
Sa datos it UN Refugee Agency (UNHCR), kapin sa 2.97 milyon nga mga tawo eon ro nakabakwit halin sa Ukraine ag posible pang magtaas ro nasambit nga numero.
Masobra sa katunga ukon 1.8 million sa mga raya hay presenteng nagapabilin sa Poland samtang ro iba hay idtu sa mga nasyon it Slovakia, Hungary, Romania, ag Moldova.
Dugang pa it UNHCR, naga-umpisa eon nga magsaylo paadto it nakatungdan ro mabahoe nga porsyento it mga refugee nga may kabilugan nga 300,000 nga numero it mga indibidwal nga naadto man sa Western Europe.
