KALIBO, Aklan—Hasta sa ulihing adlaw it pagparehistro para sa eleksyon sa masunod nga dag-on, nagapabilin nga maayos ag matawhay ro mga opisina it Commission on Elections ukon Comelec-Aklan.
Raya ro ginpahayag ni Cripsin Raymund Gerardo, tagapaghambae it Comelec-Aklan.
Suno kana nga haeuga ag owa nagadaeaguso ro mga tawo sa mga opisina it komisyon.
Nasayuran nga makaron nga adlaw it Sabado, ro ulihing adlaw it pagpa-rehistro nga imbes ko Setyembre 30 ro deadline hay gin-extend pa raya umpisa ko oktubre 11 hasta 30 it makaron nga dag-on.
Ginpahayag dugang nga ko buean pa it Setyembre bumuhos ro mga nagparehistro apang makaron nga Oktubre hay maeaka eon.
Kaabuan sigon sa mga raya hay mga new registrants.
Hasta alas-5 makaron nga hapon it Sabado hay magabaton it mga magapalista it mga registrants, kun sa siin, maga-dere-deretso ro pagparehistro hasta nga ma-akomodar ro tanan nga mga una sa listahan.
