Nagtaliwan eon sa pihak nga kinabuhi ro ulihing pangueo it Soviet Union nga si Mikhail Gorbachev sa edad nga 91.
Owa eon ginmitlang it kampo kara ro anang sakit nga naging rason it anang kamatayon samtang sa ospital.
Ginakabig nga imaw ro nagtapos it Cold War nga owa it anumang dugo nga nagkalhit.
Ginbasoe man imaw it mga pumueoyo bangud sa pagbagsak it Soviet government.
Nakipagsugot imaw sa arms reduction deal sa US ag Western countries para mabuoe sigon ro Iron Curtain nga nagaseparar sa Europe halin ko World War Two.
Kat imaw hay general secretary it Soviet Communist Party ko 1985 sa edad 54 hay naka-set out imaw it sistema nga nagpakilaea it limitadong political ag economic freedoms.
Bangud sa anang polisiya nga ‘glasnost’- free speech hay nakaangkon it pagsueong para maging independent ro Baltic republic of Latvia, Lithuania, Estonia ag iba pa.
