KALIBO, AKLAN — Arestado ro an-um katawo matapos nga gin raid ro sangka peryahan sa Sitio. Bolabog, Brgy. Balabag sa isla it Boracay.
Insigidang nagpatigayon it joint operation ro kapulisan kaibahan ro CIDG6, BTAC, Malay MPS ag RPSB matapos makabaton it impormasyon nga may naga operate nga illegal nga peryahan sa lugar.
Gin kilaea man ro mga naaresto nga sanday William Solivio, Jaylord Sotto, Marlu Nacubuan, Dexter Caves, Ryan Barrientos, ag Sherlon Nacion.
Natigayun nga ma-recover it kapulisan ro ap-at nga (4) colored table para sa color games, sangka (1) funnel imbudo, ag tatlong (3) orange pingpong ball ag bet money nga naga balor it 6,006.00 pesos.
Gina sugid nga owa it permit to operate ro peryahan.
Sa makaron hay nakataeana man nga paga pasakaan it kaso ro operator ag mga tawuhan kara.
