KALIBO, Aklan – – – Suportado ni Pangueong Rodrigo Duterte ro an-um nga bueang rekomendasyon it Department of Interior and Local Government (DILG) nga pagpasara sa isla it Boracay agud taw-an it daean ro rehabilitasyon it gobyerno.
Suno kay pangueong Duterte, mismong si DILG officer-in-charge Eduardo Año ro naghambae kana nga kinahangeang isara ro isla it an-um nga buean para maayos raya ag maibalik sa dati ro kanami it Boracay.
Engkaso sigon nga owa it magiging problema kana hay ana rayang paga aprubahan.
Nauna eon nga gin rekomendar it Boracay inter-agency task force nga gina eakipan it interior, environment, ag tourism departments nga ipasara ro isla sa sueod it sang dag-un para sa rehabilitasyon matapos gin bansagan it pangueo nga “cesspool” ro Boracay.
