KALIBO, Aklan—Ginakasubo it pamunuan it Aklan State University (ASU) ro uman nga pagbawae sa ikaywang kahigayunan it pagsaka it mga tumueo-o sa Manduyog Hill kada tyempo it kuwaresma ukon Semana Santa.
Apisar nga naging tradisyon eon it kaabuan sa mga Katoliko ro pagsaka sa mga bukid nga may station of the cross apang makaron nga may pandemya hugot anay rayang ginabawaean.
Raya hay para malikawan ro pagtililipon it mga pumueoyo sa sangka lugar ag bilang pagsunod eon man sa ginapatuman nga minimum health protocols kapareho it mass gathering agud malikawan ro pagkalhit it COVID-19.
Suno kay Safety and Security Director Alex Ramos it ASU-Banga nga ginpakamayad eon lang nanda nga suspendihon ro tanan nga aktibidad sa Manduyog Hill kaibahan eon ro pagpatigayun it via crucis.
Tuyo sigon it nasambit nga tikang nga malikawan ro mas pang pagtaas it COVID-19 infection.
Sa baylo hay gin-engganyo eon lang kara ro mga deboto nga ipadayun eon lang ro andang panata sa baeay pinaagi sa pagpangamuyo kaibahan ro bilog nga pamilya.
Sa pihak kara, sigidas man ro ginahimo nga pagpanglimpyo it pilang indibidwal sa kada station of the cross pasaka it Manduyog Hills.
Raya sigon hay proyekto it mga tag-ana it kada estasyon.
