Kalibo Aklan ——-“All systems go” eon para sa uman nga pagbukas it Isla it Boracay sa mga turista sa bilog nga nasyon sa maabot nga huwebes, Oktubre 1.
Suno kay P/Ssgt. Jane Vega, tagapaghambae it Aklan Police Provincial Office (APPO) nga haum eon ro kapulisan sa Aklan kamana man ro andang counterpart engkaso nga magkinahangean it augmentation force.
Kasado eon sigon ro preparasyon it Philippine Army, Quick Response Team it mga nagkaeain-eain nga Municipal Police Stations ag iba pang law enforcement agencies .
Owa eon gitmitlang kara ro ensaktong numero it pulis nga iga-deploy apang ginpasiguro nga bastante ro andang personnel para sa reopening .
Sa kamatuoran suno kana ko nagtaliwan nga mga inadlaw hay nagpatigayon ro pulisya it simultation exercises agud nga eubus nga mapahauman ro mga posibleng insidente nga matabu eakip eon ro insidente it pagpamaril, bomb threat ag pasyenteng nagpaeagiw sa quarantine facility nga natabu sa Isla.
Gindugang pa ni Vega nga anuman nga adlaw makaron nga domingo hay magabisita sa APPO si Regional Director P/Brigadier General Rene Pamuspusan.
