Ginpahayag it Department of Health (DOH) nga sa pihak it pagiging bukas it andang ahensiya hay kinahangean nga uman nga matun-an ro pagbalik sa bakuna it dengvaxia sa nasyon.
Suno sa DOH, raya hay kasunod it pilang suhestiyon nga uman nga gamiton ro dengvaxia vaccines sa tunga it mataas nga mga kaso it dengue.
Ginpahayag man ni Health Undersecretary Maria Rosario Vergeire nga ko 2018 hay na-revoke ro Certificate of Product Registration (CPR) it bakuna it dengvaxia.
Ginpamilit it opisyal nga pirmeng bukas sa mga bag-ong teknolohiya ukon bakuna ro DOH maskin nga kinahangean anay maipakita ro mga ebidensya nga masarangan kara nga protektahan ro publiko.
Samtang owa pa it bakuna kontra dengue sa Pilipinas makaron, ginpamilit ni vergeire nga isentro eon lang ro atensyon sa iba pang tikang agud nga matapna ro pagtaas it mga kaso it dengue.
