KALIBO, Aklan—Nagapati ro sangka eksperto nga dapat nga taw-an it konsiderasyon makaron ro uman nga pagpatuman it minimum public health standard kasunod sa uman nga pagtaas it kaso it COVID-19 sa Pilipinas.
Raya hay ginaeakipan it pagsuksok it face mask eabi eon sa mga matawo nga lugar, physical distancing ag pirmeng paghugas it alima.
Apang nagapati si Dr. Philip Ian Padilla, sangka public health expert nga indi eon matabu it uman ro mga ginpatuman nga restrictions angot sa covid 19 pandemic nga nabatyagan sa nasyon ko 2020.
Suno kana nga masarangan eon it local health system ro pag handle sa mga pasyente nga tinamaan it virus.
Gin insister pa ni Dr. Padilla nga kinahangean eamang nga mas pang mapabaskog ro vaccination para mabawasan ro numero it mga pagatamaan it COVID-19.
Ginpahayag dugang nga indi maitago nga maabu ro nabudlayan makaron bangud sa grabeng init it tiempo ag pagadunganan pa it COVID rason nga mas mayad nga pabaskugon ro prevention.
Sa pihak nga parte, ginpaathag ni Dr. Padilla nga ro acrturus covid 19 sub-variant ukon XBB.1.16 hay gin-classify it World Health Organization ukon WHO nga variant of interest kun sa siin madasig raya nga makatapon ag magkontra sa immune system.
