-- ADVERTISEMENT --
Eubos nga nagabakaea ro United Nations sa pag-aresto sa mga protesters sa Russia.
Ginpahayag ni Ravina Shamdasani, tagapaghambae it UN High Commissioner for Human Rights nga masyadong makahawag-hawag ro gina-ubra nga pag-aresto it Russian Federation.
Sangka pag-eabag sigon ro gina-ubra nga pag-aresto sa mga tawo nga nagapatigayun eamang it matawhay nga hub-eag protesta.
Naga-abot eon sa masobra 2,300 katawo ro gin-aresto sa nagkaeain-eain nga parte it Russia halin kat gin-anunsyo ni President Vladimir Putin ro partial mobilization it mga soldado sa Ukraine.
