KALIBO, Aklan—Ginpahayag it Department of Education ukon DepEd-Aklan nga naging madinaeag-on ro unang adlaw it full implementation it in-person classes sa mga pampublikong eskwelahan kahapon kadungan it pagdumdum it All Soul’s Day.
Suno kay Dr. Feliciano Buenafe, Jr. Schools Division Superintendent it DepEd-Aklan nga naging maayos ro pagbalik sa normal nga klase it mga estudyante mag-eowas sa mga eskwelahan nga grabeng naapektuhan it maeapnagon nga pagbaha ko nagtaliwan nga domingo.
Pila sa mga raya hay makit-an sa banwa it Kalibo, Numancia, Balete ag Madalag.
Ginpahayag dugang nga gintaw-an man it konsiderasyon it andang ahensiya ro pilang mga eskwelahan nga nabudlayan gihapon nga magpatuman it full face to face classes bangud sa classroom shortage kasunod it mataas nga numero it mga nagpa-enroll.
Sa pihak kara, ginpahayag ni Dr. Buenafe nga haum ro DepEd nga mausuyan it solusyon ro anuman nga problema nga may kaangtanan sa mga eskwelahan.
