KALIBO, Aklan—Naging maayos ro daeagan it unang adlaw it pagbakuna sa 2nd dose it COVID-19 vaccine nga himo it Sinovac para sa mga healthcare workers sa probinsya it Aklan.
Ro ikaywang shot it vaccination rollout hay ginpangunahan it Provincial Health Office (PHO).
Suno kay Provincial Health Officer Dr. Leslie Ann Luces nga pagahimuon nanda ro vaccination sa sueod it an-on nga adlaw.
Suno kana, 265 ukon 95 porsyento pa eamang it mga medical frontline workers ro naturukan it 2nd dose halin sa kabilugang 278 nga nabakunahan it unang shot ko Marso 10.
Ginpasiguro man kara nga pagatinguhaan nanda nga matapos ro pagbakuna.
Indi man suno kana makaapekto sa pagiging epektibo it bakuna kun madelay ro ikaywang shot.
Puro mild nga adverse effect eamang sigon ro nabatygan it mga healthcare workers matapos sanda nga mabakunahan./
Sa pihak kara, apisar nga naturukan eon it bakuna kontra COVID-19 indi sigon dapat maging kampante ro publiko./
Gin-aku man kara nga posible gihapon nga dapuan it deadly virus apang mild symptoms eamang ro mabatyagan it mga mabakunahan.
