KALIBO, Aklan — Pilang adlaw antes ro selebrasyon it ika-sang dag-on nga reopening it Boracay, ginpahayag ni Boracay Inter-Agency Rehabilitation Management Group General Manager Natividad Berdandino nga haeos 80 percent eon nga napanumbalik ro kaanyag it isla matapos ro ginpatigayon nga rehabilitasyon.
Sa Oktubre 26 hay ro ika-sang dag-on nga reopening it Boracay, kun sa siin, plano it pilang stakeholders nga makaangkon it festivities .
Angot suno kana sa nagapangunang environmental problems sa isla, kumpiyansa sanda nga nasolusyunan eon ro nasambit nga isyu it task force.
Ro padayun eon lang sigon nga gina-ayos makaron hay ro drainage system ag road widening .
Samtang, kapin sa 30 eon lang suno kana ro nabilin nga establisimento nga owa pa naka-comply sa 25+5 meter coastal at road easement.
Gindugang pa ni Berdandino nga padayun ro andang pagpadumdum sa mga turista nga magpa-book anay sa mga compliant hotels antes nga magbakae it andang plane tickets.
Nauna eon nga nagpaguwa ro Department of Tourism it listahan it 380 nga hotels nga naka-comply sa mga requirements nga gintaeana it inter-agency task force.
