Kalibo Aklan—Naka-uli eun sa Wuhan, China ro unang batch it mga Chinese tourist nga nagbakasyon sa isla it Boracay.
Takna alas-8:40 kabi-e hay nakabiyahe eun ro mga turista sakay it Royal Air Philippines.
Ro masunod nga batch hay naka-schedule hinduna it gabi-e ag sa Lunes.
Ginkumpirma it Civil Aviation Authority of the Philippines nga daywang airline companies ro nagpahaom it ap-at nga flights para mapauli ro mga turistang Chinese nga nag-abot sa Kalibo International Airport sakay it direct flight maghalin sa Wuhan City.
Kaabuan sa mga raya hay ginpatapos pa ro selebrasyon it Chinese New Year sa isla.
Nasayuran nga 135 Chinese pa ro nag-abot sa paeuparan it Kalibo ko Huwebes it agahon kat ginpatupad ro lockdown sa nasambit nga lugar bangud sa 2019 novel coronavirus scare sa China.
Ro Pan Pacific Airlines ag Royal Air Philippines hay parehong may direktang flights sa Wuhan City sa Kalibo airport.
