KALIBO, Aklan—Naging madinaeag-on ro initial assessment it haeos sang dominggo eun nga pagbalik it klase sa pilang ka mga pribado ag pampublikong eskwelahan sa probinsya it Aklan.
Suno kay Assistant Schools Division Superintendent Jose Niro Nillasca it Department of Education ukon DepEd Aklan nga manami ro naging feedback it parents ag teachers sa nagtaliwan nga mga klase.
Kaangot kara, ginklaro man ni Nillasca nga kung may owa naeobtan ro ginikanan hay pwedeng magpangayo it assistance sa mga manugturo.
Mag-euwas pa kara, dapat man nga may magpatunga nga komunikasyon sa tunga it manugturo, ginikanan ag estudyante para sa pagahimuon nga adjustment sa andang mga leksyon.
Samtang, ginatutukan man nanda makarun ro pagpadumdom sa mga ginikanan nga sundon ro ginapatuman nga minimun health standard agud magapabilin nga euwas sa paeag it COVID-19.
