KALIBO, Aklan–Uman nga nagpanumbalik ro direct charter flights halin sa South Korea sa Kalibo International Airport.
Ginsug-aeaw ro Air Seoul Airbus A330 it water cannon salute samtang ro mga turistang sakay kara hay gin-abi-abi it naka-abang nga Ati-Atihan tribe.
Nag-abot ro eroplano sakay ro 176 nga pasahero kahapon nga puro bakasyunista sa Isla it Boracay.
Naghalin ro eroplano sa Incheon sa Seoul, South Korea.
Raya ro kauna unahang international flight it paeuparan matapos ro masobra sa daywang dag-on nga pagpanaeasa it COVID-19 pandemic.
Nauna eon nga ginpahayag ni Engr. Eusebio Monserate, Jr. head it Civil Aviation Authority of the Philippines (CAAP)-Aklan nga makaangkon it daywang flights sa sang domingo ro nasambit nga airline company.
Sa Hunyo 22 hay nakataeana man sigon nga maga-umpisa ro T’way Airlines sakay ro kapin sa 200 nga mga turistang Koreano.
