Nakaguwa eon ro kauna-unahan nga grain shipment maghalin sa pantalan it Odesa Ukraine umpisa nga nag-eontad ro Russian invasion ko nagtaliwan nga Pebrero.
Angot kara, nagpaabot it pagpasaeamat si Ukrainian Infrastructure Minister Oleksandr Kubrakov, sa Turkey ag UN nga nagbulig para mapatigayon ro kasugtanan sa tunga it Russia ag Ukraine.
Sa idaeom it kasugtanan sa tunga it Russia ag Ukraine ko nagtaliwan nga buean, may kabilugang kapin sa 5 million tons it grain ro ginaeauman nga i-export maghalin sa Black Sea ports it Ukraine kada buean nga makabulig para mabuhinan ro global food crisis nga nag-eontad bangud sa pagbaeabag it Russia sa mga pantalan it Ukraine.
Sakay it Sierra Leone-flagged ship Razoni ro masobra 20,000 metric tons nga mais ag ginaeauman nga magapadaea it pilang barko kasunod sa kasugtanan nga ginpirmahan sa Istanbul ko Hulyo 22.
Samtang, magaagi ro nasambit nga barko sa Black Sea ag sa Bosporus Strait para makaabot sa global markets.
