KALIBO, Aklan—Ginpaabot it Principal it Maloco National High School sa banwa it Ibajay nga naging maayos ro unang sang domingo it limitadong face-to-face classes sa nasambit nga eskwelahan.
Suno kay Mr. Victor C. Pagayunan, principal it eskwelahan nga owa sanda it nabaton nga anuman nga reklamo halin sa mga nagpasakop sa aktibidad.
Nakaplastar sigon it maayos ro andang mga protocol sa sueod it eskwelahan.
Kaibahan kara ro paghugas it alima, pagsuksok it face mask, ag pagsiguro nga may social distancing ag pagbutang it mga barrier sa andang mga desks nga kun sa siin hay limitado eamang sa 15 ro numero it estudyante sa kada classroom.
Nasayuran nga sa masobra sa 1,060 nga mga estudyante hay 380 eamang ro nakapartisipar.
Ro ginpasugtan nga makapasakop sa limited face-to-face classes nga nag-umpisa ko Lunes hay ro estudyante halin sa Grade 7 to 10 ag Grade 11 to 12.
