-- ADVERTISEMENT --
Viral sa social media ro sangka unga nga eaeaki nga nakaeowas sa landslide sa Baybay City, Leyte tuga it bagyong Agaton matapos magpanago sa sueod it sangka refrigerator.
Nakilaea ro survivor nga si CJ Hasme, 11- anyos nga narekober it Baybay City Fire Station – Northern Leyte.
Suno kay Juanito Orellano Jr., tiyo ni CJ, nauna raya nga nakita nga may nina it sangka pulis ag ginasugid nga ginbutang it mga responder sa sueod it refrigerator.
Presenteng nagapamayad ro unga sa ospital matapos mag-angkon it mga bali sa eawas.
Namatay sa landslide ro mga ginikanan ag sangka manghud ni CJ samtang nakaeowas man ro sambilog pang igmanghud kat makapamuyot sa sangka container kat anuron sa suba.
-- ADVERTISEMENT --
