Sangka limang dag-on nga ungang babaye sa United Kingdom ro nakabaton it Guinness World Record bangud nga nakapaguwa it kaugalingon nana nga libro nga imaw ro author ag nag-drowing!
Ginkumpirma it Guinness nga ginpasidunggan nanda ro limang dag-on nga si Bella J. Dark it titulong “Youngest Person to Publish a Book (Female)” matapos makabaligya it masobra sa 1,000 nga kopya it libro nga “The Lost Cat”.
Sambilog sa requirements it Guinness agud nga makonsidera sa nasambit nga record title hay makabaligya it at least 1,000 copies it libro.
Ro libro hay angot sa sangka naduea nga makulit nga kuring nga naghalin sa andang baeay nga owa nagea-ong sa anang ina.
Suno sa ina ni Bella nga si Chelsie, ideya tanan it anang unga ro sueod it libro ag ro bulig eamang nga gintau nana kara hay ro mag-usoy ag magkontak it mga publishing house nga maga-publish kara.
Bangud nga maabu ro nabaligya nga kopya it “The Lost Cat”, presenteng gina obra eon ni Bella ro sequel kara nga “The Lost Cat 2”.
