Sangka 9-anyos nga ungang eaeaki sa Kenya ro gintaw-an it award it Pangueo idtu para sa anang gindesinyo nga makina nga panghugas it alima.
Gin-obra sigon raya it 9-anyos nga si Stephen Wakumota agud nga makabulig sa pagsukoe sa coronavirus disease (COVID-19).
Suno kay Kenyan President Uhuru Kenyatta, napili nanda si Wakumota bangud nga touch-free ro anang gin obra nga hand washing machine.
Nagagana ro imbensyon ni Wakumota pinaagi sa pedal.
Kinahangean eamang raya nga tapakan it nagagamit agud nga magguwa ro tubi ag sabon halin sa makina.
Naisip sigon ni Wakumota ro makarondaya nga disenyo bangud nga nataeupangdan nana nga nagaduha-duha ro mga tawong maghugas it alima kun pagabuytan nanda ro gripo o dispenser nga ginabuytan man it ibang tawo.
Suno kay Wakumota, nagabalor eang it $30 (katumbas it P1,500) ro anang nagastos sa mga materyales sa pagbilog it anang imbensyon.
Ginbuligan sigon imaw it anang ama.
