KALIBO, Aklan–Nagapabilin nga confine sa sangka pribadong ospital ro sangka eaeaki matapos nga bun-on it anang kaugalingon nga ama bangud eamang sa sangka tiyo it ayam bandang alas-7:30 kaina it agahon sa Purok 1, R. Barrios St. Brgy. Tigayon, Kalibo
Suno kay kagawad Jainer Oquendo, nag ugat ro insidente matapos nga ginkompronta it 54 anyos nga biktima ro anang 78 anyos nga ama nga sangka retired teacher bangud sa anang naduea nga tiyo.
Bangud kara, ginbalikan man sigon it ama ro anang unga ag gin-usoy kana kon siin ro anang daywang ka saewae nga naduea.
Matapos nga magdiskusyon ag magka-initan, ginbuno it ama ro anang unga nga tinamaan sa anang kilid sa may pueanan.
Ro biktima hay insigidang gindaea sa ospital sa banwa it kalibo ag ginpaidaeum sa operasyon.
Samtang, ro suspek hay insigidang nagpaeagiw sakay it motorsiklo pagkatapos it insidente.
