POLICE Report — Arestado ro durugistang ama matapos nga gina-alegar nga pauman-uman nga ginhimuslan ro anang kaugalingon nga menor de edad nga unga sa sueod it tatlong buean sa siyudad it San Jose Del Monte, Bulacan.
Ginkilaea ro suspek nga si alyas Elmer, 34, residente it Brgy. Muzon East nga kaibahan sa Top 2 Regional Most Wanted Person.
Bas sa report, naaresto ro wanted kat sirbihan it Warrant of Arrest it mga awtoridad sa nasambit nga lugar.
Nasayuran nga ro WOA sa kasong 14 counts of qualified rape of minor (Violation of RA 8353 on relation to RA 11648) hay gin-isyu it Presiding Judge it RTC Branch 5FC, CSJDM, Bulacan nga owa it ginrekomendang piyansa.
Ginasugid nga natukiban it lola nga pauman-uman nga ginhimuslan it suspek ro biktima kon sabog sa iligal nga droga umpisa Setyembre 2024 hasta Disyembre 2024 rason nga insigidang napasaka ro kaso kontra kana.
Kulong eon ro ama nga wanted sa nasambit nga police station.
