Unique Philsys number para sa mga rehistradong indibidwal, target nga ipagguwa sa 2023–PSA

Target it Philippine Statistics Authority (PSA) nga magpagguwa it Unique Philippine Identification System (PHILSYS) number para sa mga rehistradong indibidwal sa first quarter it 2023.

Suno kay PHILSYS Registration Officer-In-Charge Engineer Fred Sollesta, kapin sa 71.1 million Pilipino eon ro reshitrado sa National ID kung siin 25 million eon ro nakabaton it physical cards.

Bangud kara, haeos 50 million pa ro backlog it ahensya.

Apang, nasolusyonan eon sigon nanda raya sa pamaagi it pagtao it e-Phil ID, sangka printed digital ID nga may security features.

Samtang, ginpahayag ni Sollesta nga naga-abot sa 2.6 million nga e-Phil ID eon ro andang naipagguwa ag target kara nga makapag-generate it kabilugan nga 20 million sa masunod nga buean.